Andilein... D'Vorstellig, dassd du nömme söllsch do sii esch fasch ned mögli. Du hesch wörkli kämpft bes am Schloss, hesch welle i dem Läbe bliebe, weder welle gsond wärde. Aber leider esch jetzt alles anders cho ond en liebe Mönsch het müesse go. Secher händs det wott jetzt besch eine brucht, wo alli chli onderhaltet, eine wo s'Chalb cha mache, eine wo no gfählt het zom Jasse oder eine, met dem chamer eifach au guet rede ond mer weiss, me het en neue Frönd a siener Siete. I glaube ganz fescht do dra, dassd det wott jetzt besch, keini Schmerze exischtiere, niemer esch, wo eim duurend ofe Sack goht ond mer so cha sii, wiemer esch. I be so froh, hani dee dörfe kennelehre. Ha gwösst, i chönt au am Morge am 3 no lüüte ond du wörtschmer es warms Bett gäh zom Schlofe. Es esch en Beriecherig gsi, dee z'kenne ond i has gschätzt, dee as guete Frönd dörfe zha. Es esch eifach esoo truurig aber i be secher, deet wott jetzt besch gohtsder guet. I wönsche der ganz schöni Begägnige. Me seit jo, dass eim alli chömet cho abhole, wo scho vorher mol gange send. Ond vilecht, ergendeinisch chonsch du mech cho abhole... Alles Liebi ond Gueti of dim letschte Wäg ond scheck mol einisch es Grüessli obenabe. Du wersch immer e Platz i mim Härz palte.
