Elsi Mengelt-Barandun

geboren am 26. August 1928
gestorben am 18. April 2019

Kerzen

Kerze

Pascal Santer und Valerie
entzündete diese Kerze am 7. Mai 2019 um 17.53 Uhr

Liebs Naneli
I weiss, eigenltich wirsch du dia Text do uf dera Plattform wahrschinli nit könna lesa, wia au, dini Brilla isch jo immer no do uf dr Erda zrugg bliba und z Internet isch für die doch eher öpis gsi wia a Kua ohni Glocka. Trotzdem versuch i as paar Wort an di zrichta. I errinnera mi no guet wo mir klini botschlis gsi sind. Wia mir becherwiis milchkafi mit dir und am neni trunka hend in dr Kuchi, oder das feina Milchriis gässa hend wo du immer gmacht hesch, immer super fein gsi. Oder an dia viela Täg wo mir alli zäma gheuet hend, zwar nit immer mit viel Begeisterig, aber mir sind immer dabie gsi und hend viel dörfa erleba. Wo mir vom Stutz durab bim Neni immer hina ufem Heuwaga im Heu mitgfahra sind z tal durab... ui do hesch denn nit immer grad riesigi freud dra gha, und dr neni het immer gseit "ach näneli das isch scho guet, mach dr kei Sorga". As kömmend einem jetzt so vieli luschtigi gschichta in Sinn wo mir hend dörfa miterleba.
Mir sind eifach u froh, dass mir di nomol hend dörfa im Spital in Chur go bsuecha und du üs in einera Euphorie vo früener verzellt hesch, as het würklich guet ta.
Au dass du in da letschta Johra vo üsna eltera so guet betreut worda bisch und au darum nit hesch ima Altersheim müessa alt werda. Das isch au speziall schön, dass du bis am Schluss hesch könna in dinem Dahei in Rua leba. Dis Winka usem Stubafenschter wenn mir mitem Auto uf Splüga fahrend wird üs sehr fähla. Ebaso dia luschtig spontana Sprüch wo du immer weider brocht hesch. Mir hoffend du wirsch dr neni im Himmel sehr schnell finda, damit du wieder mit ihm kasch Kafe trinka und Milchriss essa, und ufem Gutschi zäma Tatort oder Musikantenstadl luega, halt so wia vor ganz langer Ziit wieder.

Nana, du wirsch üs immer in gueter Errinnerig bliba und üsi gedanka an früeriga gschichta lo kreisa.
Wiiterhin a wunderschöni Reis im Himmel wünschend dir

Pascal und Valerie

Sehen Sie weitere 4 Kerzen…

Kondolenzen

Stimmungsbild

Kupka Tomas und Elisabeth
schrieb am 29. April 2019 um 10.15 Uhr

Liebi Truurfamilie

Mir möchted Öi allne öises härzliche Biileid usspräche zum Tod vom Tante Elsi. Hoffentlich chönd Ihr i de Erinnerig a schöni Erläbnis und Momänt echli Troscht finde i däre schwäre Zyt. Mir tänked an Öi!
Härzlich
Lisebeth und Tomas

Termine

Termine

Sehen Sie hier die Termine der Abschieds- und Trauerfeierlichkeiten.