Hallo Dad, gel ez hani diar schu viel z lang nid gschrieba. ez tuani wieder meh. drbi hani in dr zwüschazit soo viel kmacht. häsch gse dis härzli wo miar diar anatua hend uf din stei. das passt zu diar und nu du häsch asoeis. üs gfallt allna und i weiss du häsch au freud. in öpa zwei täg kriagsch du den gad nomol as gschenkli. i han diar natürli auno as töpfli für doba kmacht. und agschrieba hanis auno mit dad damit das nu di isch. i muas nuno as passends pflänzli ha aber i han schu eis bstellt. i Tuans diar dia wucha no hera das gfallt diar den au. den bini no di gaaanz zit am töpfera das gsesch du bestimmt und eba au viel an minem buach das isch ez den tatsächlich volla. toll gell. den muasi den wieder as neus hola wel i han jo soo viel gschichta und fotana wo dri kömmend. ach das würdi diar soo gera zeiga an dem hetisch du au ei freud. i hans afang wunderschön kmacht. han immer meh und anderi neui ideea. den hani no agfanga fotana sortiara. damit i diar au wieder schicka kann. und all dia vu diar tuani ina wunderschöni schachtla woni nu für di kauft han. död kunnt alles dri wo vu diar isch. aber a wunderschöni schachtla hani usgsuacht. das gid aber au arbet wel dia fotana muasi zum teil au mitera gschicht verarbeita aber isch toll zum das macha und das tuat miar guat. sodali ez weisch wieder abiz dr neuschti stand und fotana kriagsch den au bald wieder frischi. küssli dis migali..
