Gugus dad. was machsch gad? Häsch gse i bin abiz ufem Balkon gsi und han an minem buach gschrieba. i han extra z kerzli azündet das du mi schön gsesch.ez bini aber wieder inna ganga as sind sust immer dia blöda mucka indr wohnig. eigentlich söti no abiz ufruma und wösch ufhenga aber i mag gad gar nid hüd. i tuan den mora. aber as paar sacha hani glich erledigt hüd. i schicka diar nocher no as foti. hihi und uf dem foti das isch miar zum Verhängnis worda. i han as mariakäferli an dr decki gse und den hani das doch wela für di fotigraphiara und han sogar no gseid das isch sicher dr dad wo miar glück bringt. in dera zit bini aber mit dr raphaela am Telefon gsi somit hani mit einera hand dr hörer indr hand ka und mit dr andera hani wela fötala.. ach herje und den keit doch miar z natel am boda. uaaaaaa nei i han mi grauahaft ufgregt und dr witz isch no das isch doch tatsächlich voll zur sau gsi und i han würkli müasa as neus kaufa. jääää nei das isch furchtbar gsi. nomol as neus natel kaufa obwohl das isch jo erscht 6 Monat alt gsi.. drum hani auno a moment kei natel ka und han nid amol könna diar fotana schicka. aber ez hanis mis neua und kann wieder tiptop fötala. und z natel isch uuuu schöööön. han ez glich no freud kriagt. du seisch ez sicher gad. das isch recht wens diar gfallt migali das heti au kno. das isch das gschichtli gsi vum natel.. also das passiart miar aber niameh dasi z natel keialon. ez schicki diar no as paar schöni fotana. dis migali..
