Hallo Dad. Was machsch den gad? I bin dahei statt go schaffa :-( I hans im Moment nid würklich guat und Alpträum hani au wieder abiz. Dr nögscht Mentig muassi eba glich nomol go Entzug macha :-( Das ploget mi schu recht. Und dermol goni ins Fontana nid ins Danis. Das studiari au uma. Irgendaswia isch miar nid aso ganz wohl im Fontana. Also i fühl mi schu dahei im Fontana und as isch miar au wohl doba um das gots miar nid aber im Danis weissi wias got und dr Entzug isch zwor a Katatropha wels a kalta isch. aber glich hani im Danis z Gfühl dia kennend sich besser us als im Fontana. Das verunsicheret mi schu abiz. Weisch im Fontana isches nid kalt aber schlimm wird's jo einaweg au wens nid kalt isch. Ach as isch alles abiz kompliziart und den kunnt no drzua z Gschäft tuat auno aswia blöd. D Mam schloft den wieder bi miar und luagt uf da Nilo und uf Ginali aber au das halti doch fascht nid us. Den muasi sie wieder zwei Wucha allei lo :-( Und drzua kunnt auno i söti noch zwei Wucha gad wieder go schaffa i han au gseid i kemi gad wieder aber weni jo ehrlich bin das wär jo gar nid möglich. Letscht mol hani as Johr ka bis dr Entzug einigermassa ganga isch. Guat dermol hani z wor schu nüma soviel Gift in miar aber hald glich dr Entzug wird glich übel. Letscht mol bini jo Wuchawies nuno as hämpfali Ehlend gsi uii hoffentlich wird das nid gad wieder aso. Ach i töf ez nüma überlega sust kumi no wahnsinnig. I macha das ez eifach wia letscht mol. Augen zu und durch. Und weisch Dad i han das extra genau an dem Datum abkmacht. Den bini nemlich am 19.2. genau an dinem Tag wieder dahei. Irgendaswia isch das für mi no guat gsi dases gad da Datum isch. Und z Zimmer kriagi au no gad das vum Howey seb isch guat gell hihi? I han gseid aso hani wenigschtens no abiz dr Howey im Zimmer das isch doch auno Troscht. Jo das hani diar nu schnell wella verzella aber nocher bini den wieder cleen. Ez machi no as paar neui Projekt Keramik. I denk an di. Küssli dis Migali..
