Hallo Dad
Oh i vermissa di gad fescht :-( Was bisch am macha? Häsches kmüatlich? I hans meh oder weniger guat. Ufjedafall besser als letscht Wucha. Han mit dr Frau Rehli könna abmacha was i nä töf den gots viel besser. Ui aber im Moment hani wieder so Angscht wäga dr Mam obwohl i weiss i töf kei Angscht ha. Aber das kunt im Moment wieder viel meh. Früaner isches bi diar gsi und ez isches eba bir Mam :-( Aber i muas schu kei Angscht ha i weiss du luagsch uf si und beschützisch sie. Oh und das mi und d Raphaela immer beschützisch merkend miar jeeeda Tag. Du bisch eba dr bescht und schönscht Stern. I würdi ez gad gera dina fein Duft an miar ha aber weni mit konzentriara kanni plötzlich dina warm und fein Duft schmecka :-) Häsch gse d Mam häd ez schöni Zäh gell? Ui dia arm häd a rechts züg müassa macha aber sie häd ei Freud an irna schöna Zäh das isch schön. D Raphaela häd wieder ei Freud an irna Täscha hihi das isch guat dia macht sie au sehr schön. Jo und i bin eifach glücklich weli sooo viel z Töpfera han. Das isch für mi z beschta. Oh hani diar mina gross Topf gschickt? Hmm muas nocher gad luaga sust schicki na diar no. Ufjedafall genau dä hani doch tatsächlich könna verkaufa :-) soooo schön han ei Freud. Also ez schicki diar no as frisches Fötali und heb di in Gedanka gaaanz fescht. Kasch au wend magsch abiz zu miar hei ko :-) Dr Noah, Liam und Gini hetend au Freud. I tuan den aber am Obig wieder mit diar pläuderla. Küssli Dad. Dis Migali..
