Hallo Dad
Miar gots ez gad gaaar nid guat:-( Aber i glauba du häsch am Reto sicher alles bi eu schön zeigt. I und d Raphaela sind am Samstig also hüd vorera Wucha im Krematorium gsi wel dr Reto schu död gsi isch :-( Nu miar zwei sind im no go tschüss tschüss tschüss säga. So häds dr Reto au immer gseid. I glauba au er häd uv das gwartet wel er sicher gwüsst häd, dass i mit dr Raphaela kuma. Miar hend ihm no d Sorgamännli in d Hand druckt und as Herzli das wo du am Stei ka häsch wel miar das jo nüma hend töfa heratua denn hend miar denkt den kriagts ez dr Reto uf da Weg damit er au ganz fescht mit diar und üs verbunda isch. I kann das fascht nid erträga, dass dr Reto nüma do isch. Er isch immer min bescht Fründ gsi und wer stellt miar ez d Musik i das kann nu i und dr Reto :-( I muas mi amel immer tröschta weni denka dass er ez au bi diar isch den gots wieder abiz besser. Aber im Moment isch gad grauahaft. Und dr Toni und vorallem d Anita hends garnid guat :-( D Raphaela isch hüd am Klassahock hihi wenigschtens häd sies luschtig. I glaub sie häd dr Spass und i söti no uiiii so viel Töpfera aber kann mi aswia hüd nid motiviara. Im Moment isch alles furchtbar. Mini Gini, dr Nilo und dr Lio sind au eifach nüma do. Und ez auno dr Reto. Das sind alli wichtiga für mi :-( Mit Tod werdi glaub nia umgo könna das isch eifach schrecklich und as tuat grauahaft weh. I wär au sooo gera nu wenigschtens schnell für a Küssli bi diar :-( Wieso got das eifach nid :-( Hmmm nei i muas mi ez beruhiga. I gon ez unter d Duschi und nocher tuani schaffa. Aber i schrieba diar bald wieder Dad. In letschter Zit hani nüma so viel weli aswia d Wort nid gfunda han oder eifach nid könna han. Aber das machi ez wieder denn gots miar nemli besser. Küssli Dad. Dis Migali..
