Hallo dad. oje i han im moment schrecklich müah ohni di und i han z gfühl i zerbrechi fascht. alli sägend immer z leba got witter und das isch au aso. natürlich gots witter aber as got anderscht witter wel du eifach fehlsch. as got au ohni di as muas jo go aber as isch schöner gsi mit diar dad. dis wesa und dini liab art isch nüma do und das isch a unvorstellbar grossi lucka wo niamert fülla kann. i glauba, nei i weiss, dass dr rolli und dr baffi au schrechklich müah hend. dr rolli seits nid aber miar wüssends das er uh müah häd. mitem baffi redi immer immer über di und as tuat üs beidna guat. as vergot kei tag ohni dasi an di denka. öpa dia isches meh und öpa abiz weniger aber nia bisch du nid in mina gedanka. a klina troscht hani für mi gfunda und das isch dini sita wo i noch üs zwei gstalta und macha. miar tuat das guat und so hani z gfühl du lebsch glich no abiz bi üs witer. das isch an schönera gedanka als weni nüd macha und nid schrieba. das wüssend miar. schrieba isch schu immer bini beschti Therapie gsi. und du häsch freud wen du das gsesch das weissi.do würend miar üs genau glich schrieba und i maches ez eifach witer und schrieba diar eiach abiz witer aweg. aber denka tuani dases genau glich isch wia vorher den gots miar abiz besser und tröschtet mi. normal würsch du miar ez tränli tröchna und würsch froga warum tuat den z migali räga. ez denki eifach du tröchnisch miar jo tränali au und heba tuasch mi au. i weiss dass du immer uf üs luagsch öpa dia hani au z gfühl das du do bisch das isch schön dad. ez höri aber uf brüala i han nemli schuwieder migräna. i denka aber an di. i vermissa di so sehr dad.. dis migali..
