Gugus Dad.. Miar sind geschter wia immer mit z Frischi go Essa und dr Geburi vur Mam go fira. Isch luschtig gsi mit ihna und häsch üs kört i han extra dr Roli ploget hihi. Weisch er häd ez jo as Neus Auto dä häsch du nonid gseh, aber das isch as rechts Schiff würkli as schöns Auto und natürlich Luxus und den hani extra dr ganz Obig am Roli gseid i freui mi schu zum heifahra hihi. I han eifach kei Ruah gä aber schlussendlich häd er nid wella :-) Aber i han ihm schu gseid i fahri den nögscht mol :-) hihi.. Amol luaga obis no schaffa zum ihn überreda :-) zum fahra.. Am Schluss wo miar den ganga sind und vorem Sommerau gstanda sind zum üs verabschieda hani doch gad in Himmel gluagt ob d Sterna schu ko sind wel jo geschter Sternschnuppanacht gsi isch und tatsächlich genau in dem Moment isch gad eini ko. I bin fasch usgflippt und han dr Raphaela gseit luag ez häd üs dr Dad a Sternschnuppa gschickt zum säga er segi au drbi gsi bim Essa..Das isch schön gsi. Viellicht kasch du miar hüd jo wieder eini schicka wel as isch jo dr ganz Monat Sternschuppanacht. I gon ufjedafall wia immer den vorem ins Bett go no uf da Balkon den gsesch mi jo..I love you Dad.. Dis Migali..
