Wia häds den z Migali? Normalerwies würdisches du ez genau so froga aber ez frog hald i di. Wia häds den dr Dad? Was machsch den gad? I bin allerlei am macha. Am ufruma, und ez gad am Rechniga sortiara und izahla. Nocher machi glaub no öpis im Buach oder dr Jacqueline müassti auno zrugschrieba. Dia weisch du weli. Oh Dad weisch was. Hüd hani gad endlich wieder öpis Keramik verkauft. Weisch mina gross Topf. As reut mi zwor grauahaft wel dä häd miar schu gfalla aber i han gad z Geld brucht und dä kanni au nomol macha. Mini Liabschta Töpf dia verkaufi aber nid. Häsch gseh uf minem Balkon brennend wia immer mini zwei Töpf. Dr einti isch dr Howey Topf und dr ander dr Migali Topf. Und du häsch no keina seb weti liaber nid. Du häsch drfür in dr Wohnig bi miar überall öpis. Oh und natürlich hani au wia immer d Wiahnachtsbelüchtig montiart. Letscht Johr hani diar jo alli Fenster gschickt. Dermol hanis diar extra nid gschickt wels wieder genau glich usgseht hihi. Häsch schu gluaget ob au alli Lämpli brennend? Also eis einzigs hani gseh wo leider nüma brennt aber sust tuat alles hihi. Also ez machi glaub no mini Rechniga wo i agfanga han sust machis wieder nüma. Aber i schicka diar den bald wieder as paar frischi Fotana. In Gedanka bisch du hüd di gaaanz Zit bi miar welis nid aso guat han wägem Nilo :-( Aber er kunnt schuwieder gsund. Falls Du kasch könntisch ihm no abiz helfa? Also ez machi do witer. Küssli Dad. I vermissa di.. Dis Migali..
