Hallo min allerliabschti Dad.. I hans im Moment fürchterlich. Dä blöd Entzug hört nid und dr Schmerz ufem ganza Rucka isch wia Lava über mi flüssa würd und wiani alli Wirbel brocha heti. Öpa dia sinds alli Wirbel öpa dia sinds alli Knocha den wieder alli Muskla bis zu da Rippi und zur Flanka. Uaaaa nei im Moment weissi würkli nid wasi macha söll. Am Howey sägi immer ob er miar dr Schmerz nimmt zum Glück klappt das zwüschadura aber wen dr Schmerz stiegt und er isch voll doba den kriagi dr Verstand nid amol meh zema zum irgendöpis macha. Den bini meischtens schu halba Ohmächtig. Ufff und geschter hani drei Mol müassa kotza, wäää vor Luter Schmerz aber weisch was dr bescht isch? Miar züchts jo innerlich die Eingeweide zema vor Schmerz vum Entzug aber z kotza häd dr Schmerz doch tatsächlich a Fünkli glöst. Zwor nid lang aber immerhin. Gell was i nid alles ussafinda hihi. Aber erstunlich isch sid i im Spitol gsi bin hani eigentlich pro Nacht högschtens a Stund wen überhaupt gschlofa für das machi mi no guat gell :-) Gsesch mi amel indr Nacht? Ach was frogi au i weiss schu das du mi gsesch Dad das hilft miar immer. Den weissi wenigschtens du bisch bi miar. Aber ez könnts den schu öpa höra aber das isch jo z schlimma das got no sicher 2 Monat. Bis den muasi immer jedi Sekunda öpis ifalla lo sust goni d Wänd duruf. Im Moment hani aber Action dahei hihi. I kann d Musik eifach nidd abstella das isch z einziga wasi im Moment brucha den bruhigts dr Rucka bizli. Oder eba schrieba seb hilft miar au. Für da Rico machi au as paar Sacha das isch au guat. Ez tuani no so guats god abiz putza aber seb isch schwer aber i maches glich.. I schicka diar den aber auno frischi Fotana. I liaba di Dad. Küssli dis Migali..
