Hallo Dad.. Was machsch den gad? Bisch abiz mitem Howey unterwägs? Oder luagsch gad sport? Oder bisch viellicht sogar am Tennisspiela? Oder häsch geschter au mit miar wia immer Musik gluagt? I schu i luaga das wia immer und den luagis eigentlich automatisch mit diar zema. Normal würsch jo sowieso miar du no alüta und säga hüd isch den Musik :-) Drum got das jo gar nid anders. Uf und hüd heti eigentlich a hufa z tua aber hüd kumi aswia nid so richtig ind Gäng. Drbi öpa hundert Sacha heti Luscht zum macha aber i kann mi eifach ni entscheida mit wasi afanga söll. Hihi gell seb isch au farukt anderi hends langwillig und i bin sogar überforderet weli nid weiss wo afanga :-) Aber i söti glaub zerscht mis Projekt Keramik fertig macha sust vertröchnet min Topf. I zeig diar na den wen er fertig isch. Dä wird gross. Jo und sust tuani worschinli no am Buach schaffa und as Kärtli söti no schrieba für öpert wo bi üs im Hus gstorba isch. Den söti no öpis fürs Gschäft und für d Klinik vorbereita. uiiii gsesch irgendwia gad abiz viel. Aber jo i weiss du seisch ez gad. Jo aber nu hoffali Migali.. Nu eis um z andera. Ok das machi Dad. I macha schön eis um z andera. Also den foni ez glaub amol a. Küssli.. Dis Migali.. PS: I vermissa di..
