uuui nei Dad ez hani gad a grauahafti Kriesa. I han hüd morga mit einem gredet wo bis zum Tod sini Mama und au dr Papa pflegt häd. Dä häd sis ganza Leba ufgä und häd meh als 5 Johr nüma gschafft wel er sini Eltera pflegt häd. Soo schön. Also nid schön zum d Eltera pflega wel sie sind beidi krank gsi aber schön wia er für beidi do gsi isch. I heti das für di au kmacht. Und für d Mam machi das den au sie töf nia ins Altersheim. Sie kann den bi miar wohna. Aber nei an das töfi ez jo garnid denka. Den hani ihm üsers Gschichtli verzellt. Drum hani gad a grauahafti Kriesa. I würdi di ez gad so gera heba und din Duft schmecka oder di wenigschtens vu wittem gseh :-( Ach scheisse warum muas ma den au sterba. Oder weisch wen miar 4 wenigschtens alli glichzitig könntend sterba den wärs jo ganz eifach aber aso. Jonu ez isches hald aso. Gell was i au wieder studiara. Aber i weiss du seisch ez sicher gad. Dia Gedanka sind mora wieder besser Migali.. Jooo das stimmt jo das weissi au. Du weisch jo i bin as Stehaufmännli wia Du. Und das kunt miar sooo viel in Sinn. I bin aso as Stehaufmännli wia du. Das hani vu diar. I schicka diar ez gad a Kuss. Achtung er kunt. Häsch na kriagt hihi.. I han glaub dina au kriagt ez gots miar wieder besser.. hihi. Dis Migali..
