Hallo Dad. Ez wärs u schön wenn du do wärsch aber glich denki das heti diar weh tua, wenn du mi hüd gseh hetisch. I bin hüd nu am brüala :-( I fühla mi genau wia wo du ganga bisch oder anderscht gseid du häsch müassa go :-( i weiss as kört drzua Leben und Sterben aber mit Sterben das isch nid mini Stärki. Mit dem kanni gar nid guat umgo. Mina Nilo isch hüd eifach indr Nacht gstorba :-( Er isch doch no jung gsi. Häsch na du echt schu troffa? I glauba schu. Für mi isches schrecklich. Mina Nilo weisch du jo was er für mi isch. Er isch wiana Mensch gsi und häd alles mit miar mitkmacht. Er isch eifach bsunders gsi und dr gröscht Schatz für mi. Z Ginali isch schu auno do und sie liabi au überalles aber dr Nilo isch hald schu eifach sooo bsunders für mi. I verzwifla im Moment fascht. As bricht miar fascht z Herz und z Ginali isch au trurig und luagt immer and Türa und meint er kemi gad :-( Warum muas den das immer so weh macha? Miar isch au sterbensschlecht schu dr ganz Tag und dr Rucka dä meine Güte dä erwähni schu garnid. Hoppla und d Migräna gad auno. Buooo miar klopfts glaub ez den z Hirni ussa. Das pulsiart öpis grauahafts. Aber i söt jo nid trurig sie das hend jo alli wo vu do gönd nid gera das weissi schu aber i kann nüd drfür i bin im Moment Tooood trurig. Mis Büabli söll doch wieder hei ko aber er kunt niameh. Ach as isch schrecklich aber aswia bruchi das gad zum so schrieba. Kasch hüd abiz mit miar uf da Balkon go pläuderla? Viellicht isch mina Buabi sogar schu bi diar das wär schön. Aber i weiss schu am Nilo isch ez wohl und as got ihm guat. So isches bi diar au gsi. Also wen er zu diar kunt kasch du ez mitem schmusa wia is wär. I vermissa di aber hüd au wels eifach so weh tuat. Küssli dis Migali..
