Hallo Dad. Oh i vermissa di gad im Moment immer wieder. Weisch geschter bini am Obig ama Hündli begegnet wo ganz allei uf dr Stross gsi isch und as isch Nacht gsi. Den bini doch dem Hündli no und hans wella go ifanga aber er häd eba Angst ka. Und wenn dä z Dahei nid findet jetzt isch viel z kalt zum indr Nacht müassa dussa si. I han den dr Polizei aglüta aber i glauba dia sind den glich nid go luaga :-( Dä häd gseid jo das segi kei Problem dä findi ma schuwieder. Dä isch zwor ganz nett gsi aber ma muas doch uf Tiarli luaga. Warum mach den das nu i? I hans den am Mittag dr Mam verzellt aber sie häd mi au nu usglacht und gseid i sölli uf mi luaga. Aber das kanni nid wenn öpert Hilf brucht den luagi z letscht uf mi. Das arma Hündli. Du hetisch ez gseid jo das häsch du schu richtig kmacht Migali. Du könntisch do nemlich au nid eifach weg luaga. Das sind jo klini Sörgali aber für mi isch das denn eba glich as grosses Sörgali. Ez muasi nomol schnell weg, i muass no schnell a Kugal go usliefera. Das isch schön i verkaufa eini noch dr andera. Seb hani uuuuu freud, allerdings für mina Rucka isch das leider nid würklich guat. Och herje öpis isch doch immer. Also ez goni das amol go erlediga. Küssli. Dis Migali..
