Was macht den dr Dad? Hmmm i han hüd dr ganz Tag mini blöda Blockada das isch sooo läschtig aber immerhin as paar Sacha hani glich könna Töpfera. Weisch du was Dad im Moment bini würklich uuu froh dass du döt bisch wo du ez bisch au wenn du miar grauahaft fehlsch. Aber i weiss genau dia Zit wo ez isch dia hetisch du nia verkraftet. Das wär für di nüd gsi. Miar hend jo schu Müah zum das verkrafta. Also bi miar gots no i hans nid aso schlimm aber d Raphaela häd schu viel meh müah. Und den no di schiess Impfig pfui teufel. I bin ez au am studiara di dritt macha aber i han schu Angscht vor dera weli jo di erschta zwei nid würklich guat verkraftete han aber di dritt kasch jo du luaga dass dia guat kunt. D Mam häd sie eba au kmacht drum goni glaub au wel ma weiss jo nia wenn öpis isch mit dr Mam oder dr Raphaela den töfti nid amol in Spitol weni nid gimpft wär drum tuani. Aber d Raphaela isch jo überhaupt nüd. Weder gheilt no gimpft und Coronafolga häd sie eba au immerno das isch nid gad luschtig. Aber impfa kann sie eba würklich nid das verstoni au. Bi ihra isches anders wägem Aug. Jo und das Johr machend miar definitif kei Wiahnacht aber seb isch miar au recht. Sit du nüma do bisch isch das würklich nüma z glicha. I maches miar den kmüatlich und luaga alli schöna Film das stellt mi uf ussert i gang no uf Sumaprada. Aber d Raphaela und dr Patrick dia machend jo ez au kei dia hend gad würklich anderi Sorga aber das kunt glaub schuwieder. Oh eigentlich könnti Töpfera di ganz Nacht z tua heti immer das isch schön. Sodali ez weissi gad nüd meh Neus zum verzella. Aber i schicka diar a Küssli Dad. Kuss dis Migali..
